Esaïe 10:15
היתפאר הגרזן על החצב בו אם יתגדל המשור על מניפו כהניף שבט את מרימיו כהרים מטה לא עץ׃
Esaïe 10:16
לכן ישלח האדון יהוה צבאות במשמניו רזון ותחת כבדו יקד יקד כיקוד אש׃
Esaïe 10:33
הנה האדון יהוה צבאות מסעף פארה במערצה ורמי הקומה גדועים והגבהים ישפלו׃
Esaïe 10:34
ונקף סבכי היער בברזל והלבנון באדיר יפול׃
Esaïe 14:25
לשבר אשור בארצי ועל הרי אבוסנו וסר מעליהם עלו וסבלו מעל שכמו יסור׃
Esaïe 25:4
כי היית מעוז לדל מעוז לאביון בצר לו מחסה מזרם צל מחרב כי רוח עריצים כזרם קיר׃
Esaïe 25:5
כחרב בציון שאון זרים תכניע חרב בצל עב זמיר עריצים יענה׃
Esaïe 27:1
ביום ההוא יפקד יהוה בחרבו הקשה והגדולה והחזקה על לויתן נחש ברח ועל לויתן נחש עקלתון והרג את התנין אשר בים׃
Esaïe 30:30-33
30
והשמיע יהוה את הוד קולו ונחת זרועו יראה בזעף אף ולהב אש אוכלה נפץ וזרם ואבן ברד׃
31
כי מקול יהוה יחת אשור בשבט יכה׃
32
והיה כל מעבר מטה מוסדה אשר יניח יהוה עליו בתפים ובכנרות ובמלחמות תנופה נלחם בה׃
33
כי ערוך מאתמול תפתה גם הוא למלך הוכן העמיק הרחב מדרתה אש ועצים הרבה נשמת יהוה כנחל גפרית בערה בה׃
Esaïe 31:8
ונפל אשור בחרב לא איש וחרב לא אדם תאכלנו ונס לו מפני חרב ובחוריו למס יהיו׃
Esaïe 31:9
וסלעו ממגור יעבור וחתו מנס שריו נאם יהוה אשר אור לו בציון ותנור לו בירושלם׃
Esaïe 33:1-3
1
הוי שודד ואתה לא שדוד ובוגד ולא בגדו בו כהתמך שודד תושד כנלתך לבגד יבגדו בך׃
2
יהוה חננו לך קוינו היה זרעם לבקרים אף ישועתנו בעת צרה׃
3
מקול המון נדדו עמים מרוממתך נפצו גוים׃
Esaïe 33:9-12
9
אבל אמללה ארץ החפיר לבנון קמל היה השרון כערבה ונער בשן וכרמל׃
10
עתה אקום יאמר יהוה עתה ארומם עתה אנשא׃
11
תהרו חשש תלדו קש רוחכם אש תאכלכם׃
12
והיו עמים משרפות שיד קוצים כסוחים באש יצתו׃
Esaïe 37:29-38
29
יען התרגזך אלי ושאננך עלה באזני ושמתי חחי באפך ומתגי בשפתיך והשיבתיך בדרך אשר באת בה׃
30
וזה לך האות אכול השנה ספיח ובשנה השנית שחיס ובשנה השלישית זרעו וקצרו ונטעו כרמים ואכול פרים׃
31
ויספה פליטת בית יהודה הנשארה שרש למטה ועשה פרי למעלה׃
32
כי מירושלם תצא שארית ופליטה מהר ציון קנאת יהוה צבאות תעשה זאת׃
33
לכן כה אמר יהוה אל מלך אשור לא יבוא אל העיר הזאת ולא יורה שם חץ ולא יקדמנה מגן ולא ישפך עליה סללה׃
34
בדרך אשר בא בה ישוב ואל העיר הזאת לא יבוא נאם יהוה׃
35
וגנותי על העיר הזאת להושיעה למעני ולמען דוד עבדי׃
36
ויצא מלאך יהוה ויכה במחנה אשור מאה ושמנים וחמשה אלף וישכימו בבקר והנה כלם פגרים מתים׃
37
ויסע וילך וישב סנחריב מלך אשור וישב בנינוה׃
38
ויהי הוא משתחוה בית נסרך אלהיו ואדרמלך ושראצר בניו הכהו בחרב והמה נמלטו ארץ אררט וימלך אסר חדן בנו תחתיו׃
Psaumes 9:5
גערת גוים אבדת רשע שמם מחית לעולם ועד׃
Psaumes 46:5-11
5
אלהים בקרבה בל תמוט יעזרה אלהים לפנות בקר׃
6
המו גוים מטו ממלכות נתן בקולו תמוג ארץ׃
7
יהוה צבאות עמנו משגב לנו אלהי יעקב סלה׃
8
לכו חזו מפעלות יהוה אשר שם שמות בארץ׃
9
משבית מלחמות עד קצה הארץ קשת ישבר וקצץ חנית עגלות ישרף באש׃
10
הרפו ודעו כי אנכי אלהים ארום בגוים ארום בארץ׃
11
יהוה צבאות עמנו משגב לנו אלהי יעקב סלה׃
Job 38:11
ואמר עד פה תבוא ולא תסיף ופא ישית בגאון גליך׃
Marc 4:39-41
39
ויעור ויגער ברוח ויאמר אל הים הס ודם ותשך הרוח ותהי דממה גדולה׃
40
ויאמר אליהם למה ככה אתם חרדים איך אין לכם אמונה׃
41
וייראו יראה גדולה ויאמרו איש אל רעהו מי אפוא הוא אשר גם הרוח והים שמעים לו׃
Esaïe 29:5
והיה כאבק דק המון זריך וכמץ עבר המון עריצים והיה לפתע פתאם׃
Esaïe 41:15
הנה שמתיך למורג חרוץ חדש בעל פיפיות תדוש הרים ותדק וגבעות כמץ תשים׃
Esaïe 41:16
תזרם ורוח תשאם וסערה תפיץ אותם ואתה תגיל ביהוה בקדוש ישראל תתהלל׃
Job 21:18
יהיו כתבן לפני רוח וכמץ גנבתו סופה׃
Psaumes 1:4
לא כן הרשעים כי אם כמץ אשר תדפנו רוח׃
Psaumes 35:5
יהיו כמץ לפני רוח ומלאך יהוה דוחה׃
Psaumes 83:13-15
13
אלהי שיתמו כגלגל כקש לפני רוח׃
14
כאש תבער יער וכלהבה תלהט הרים׃
15
כן תרדפם בסערך ובסופתך תבהלם׃
Daniel 2:35
באדין דקו כחדה פרזלא חספא נחשא כספא ודהבא והוו כעור מן אדרי קיט ונשא המון רוחא וכל אתר לא השתכח להון ואבנא די מחת לצלמא הות לטור רב ומלת כל ארעא׃
Osée 13:3
לכן יהיו כענן בקר וכטל משכים הלך כמץ יסער מגרן וכעשן מארבה׃