ויאמר כי יד על כס יה מלחמה ליהוה בעמלק מדר דר׃

נשבע יהוה ולא ינחם אתה כהן לעולם על דברתי מלכי צדק׃

לכן שמעו דבר יהוה כל יהודה הישבים בארץ מצרים הנני נשבעתי בשמי הגדול אמר יהוה אם יהיה עוד שמי נקרא בפי כל איש יהודה אמר חי אדני יהוה בכל ארץ מצרים׃

נשבע יהוה בגאון יעקב אם אשכח לנצח כל מעשיהם׃

כי באי המונה אנחנו המאמינים כמו שאמר אשר נשבעתי באפי אם יבאון אל מנוחתי אף כי נגמרו מעשי יהוה מעת הוסד העולם׃

בני האדם ישבעו בגדול מהם והשבועה להם קץ כל ערעור לקיום הדבר׃

למען על פי שני דברים בלתי משתנים אשר חלילה לאלהים לשקר בם יהיה לנו אשר נסנו עליו זרוז גדול לאחז בתקוה הנתונה לפנינו׃

מגיד מראשית אחרית ומקדם אשר לא נעשו אמר עצתי תקום וכל חפצי אעשה׃

קרא ממזרח עיט מארץ מרחק איש עצתו אף דברתי אף אביאנה יצרתי אף אעשנה׃

והוא באחד ומי ישיבנו ונפשו אותה ויעש׃

יהוה הפיר עצת גוים הניא מחשבות עמים׃

מה גדלו מעשיך יהוה מאד עמקו מחשבתיך׃

רבות מחשבות בלב איש ועצת יהוה היא תקום׃

אין חכמה ואין תבונה ואין עצה לנגד יהוה׃

לא ישוב אף יהוה עד עשתו ועד הקימו מזמות לבו באחרית הימים תתבוננו בה בינה׃

כי אנכי ידעתי את המחשבת אשר אנכי חשב עליכם נאם יהוה מחשבות שלום ולא לרעה לתת לכם אחרית ותקוה׃

מי זה אמר ותהי אדני לא צוה׃

בעת ההיא ענה ישוע ואמר אודך אבי אדון השמים והארץ כי הסתרת את אלה מן החכמים והנבונים וגליתם לעוללים׃

לעשות את אשר ידך ועצתך מקדם גזרה להיות׃

והודיענו את סוד רצונו כעצתו היעוצה בו׃