מי זאת הנשקפה כמו שחר יפה כלבנה ברה כחמה אימה כנדגלות׃

יונתי בחגוי הסלע בסתר המדרגה הראיני את מראיך השמיעיני את קולך כי קולך ערב ומראיך נאוה׃

כלך יפה רעיתי ומום אין בך׃

אני ישנה ולבי ער קול דודי דופק פתחי לי אחתי רעיתי יונתי תמתי שראשי נמלא טל קוצותי רסיסי לילה׃

ותעדי זהב וכסף ומלבושך ששי ומשי ורקמה סלת ודבש ושמן אכלתי ותיפי במאד מאד ותצלחי למלוכה׃

ויצא לך שם בגוים ביפיך כי כליל הוא בהדרי אשר שמתי עליך נאם אדני יהוה׃

להקימה בכבוד לו לעדה אשר אין בה כתם וקמט וכדומה כי אם למען תהיה קדושה ותמימה׃

ותקם אשת ירבעם ותלך ותבא תרצתה היא באה בסף הבית והנער מת׃

ויהי כשמע בעשא ויחדל מבנות את הרמה וישב בתרצה׃

בשנת שלש לאסא מלך יהודה מלך בעשא בן אחיה על כל ישראל בתרצה עשרים וארבע שנה׃

יפה נוף משוש כל הארץ הר ציון ירכתי צפון קרית מלך רב׃

ספקו עליך כפים כל עברי דרך שרקו וינעו ראשם על בת ירושלם הזאת העיר שיאמרו כלילת יפי משוש לכל הארץ׃

וארא את העיר הקדושה ירושלים החדשה ירדת מאת האלהים מן השמים נכונה ככלה המקשטת לבעלה׃

מי זאת הנשקפה כמו שחר יפה כלבנה ברה כחמה אימה כנדגלות׃

מה טבו אהליך יעקב משכנתיך ישראל׃

יזל מים מדליו וזרעו במים רבים וירם מאגג מלכו ותנשא מלכתו׃

כרע שכב כארי וכלביא מי יקימנו מברכיך ברוך וארריך ארור׃

אדם להבל דמה ימיו כצל עובר׃

ברוק ברק ותפיצם שלח חציך ותהמם׃

אשר פיהם דבר שוא וימינם ימין שקר׃

והיה ביום ההוא אשים את ירושלם אבן מעמסה לכל העמים כל עמסיה שרוט ישרטו ונאספו עליה כל גויי הארץ׃

כי כלי מלחמתנו אינם של הבשר כי אם חזקים הם לאלהים להרס מבצרים׃

וצבאות השמים יצאים אחריו על סוסים לבנים מלבשים בגדי בוץ לבן וטהור׃

ועל בגדו ועל ירכו כתוב שם מלך המלכים ואדני האדנים׃