טוב ללכת אל בית אבל מלכת אל בית משתה באשר הוא סוף כל האדם והחי יתן אל לבו׃

כי ידעתי מות תשיבני ובית מועד לכל חי׃

וכאשר נגזר על בני אדם פעם אחת המות ואחריו הדין׃

יכבדו בניו ולא ידע ויצערו ולא יבין למו׃

כי אין במות זכרך בשאול מי יודה לך׃

הלמתים תעשה פלא אם רפאים יקומו יודוך סלה׃

היספר בקבר חסדך אמונתך באבדון׃

כי אתה אבינו כי אברהם לא ידענו וישראל לא יכירנו אתה יהוה אבינו גאלנו מעולם שמך׃

כי אין זכרון לחכם עם הכסיל לעולם בשכבר הימים הבאים הכל נשכח ואיך ימות החכם עם הכסיל׃

ובכן ראיתי רשעים קברים ובאו וממקום קדוש יהלכו וישתכחו בעיר אשר כן עשו גם זה הבל׃

לא תשורני עין ראי עיניך בי ואינני׃

לא ישוב עוד לביתו ולא יכירנו עוד מקמו׃

יהיו נגד יהוה תמיד ויכרת מארץ זכרם׃

מתים בל יחיו רפאים בל יקמו לכן פקדת ותשמידם ותאבד כל זכר למו׃