ופניתי אני לראות חכמה והוללות וסכלות כי מה האדם שיבוא אחרי המלך את אשר כבר עשוהו׃

ושבתי אני ואראה את כל העשקים אשר נעשים תחת השמש והנה דמעת העשקים ואין להם מנחם ומיד עשקיהם כח ואין להם מנחם׃

וראיתי אני את כל עמל ואת כל כשרון המעשה כי היא קנאת איש מרעהו גם זה הבל ורעות רוח׃

ושבתם וראיתם בין צדיק לרשע בין עבד אלהים לאשר לא עבדו׃

ויחזק דוד מן הפלשתי בקלע ובאבן ויך את הפלשתי וימיתהו וחרב אין ביד דוד׃

ויהיו שם שלשה בני צרויה יואב ואבישי ועשהאל ועשהאל קל ברגליו כאחד הצבים אשר בשדה׃

ויפן אבנר אחריו ויאמר האתה זה עשהאל ויאמר אנכי׃

ויסף עוד אבנר לאמר אל עשהאל סור לך מאחרי למה אככה ארצה ואיך אשא פני אל יואב אחיך׃

ויאמר אבשלום וכל איש ישראל טובה עצת חושי הארכי מעצת אחיתפל ויהוה צוה להפר את עצת אחיתפל הטובה לבעבור הביא יהוה אל אבשלום את הרעה׃

ואחיתפל ראה כי לא נעשתה עצתו ויחבש את החמור ויקם וילך אל ביתו אל עירו ויצו אל ביתו ויחנק וימת ויקבר בקבר אביו׃

אין המלך נושע ברב חיל גבור לא ינצל ברב כח׃

שקר הסוס לתשועה וברב חילו לא ימלט׃

לכן ענקתמו גאוה יעטף שית חמס למו׃

יצא מחלב עינמו עברו משכיות לבב׃

לא בגבורת הסוס יחפץ לא בשוקי האיש ירצה׃

רוצה יהוה את יראיו את המיחלים לחסדו׃

כה אמר יהוה אל יתהלל חכם בחכמתו ואל יתהלל הגבור בגבורתו אל יתהלל עשיר בעשרו׃

אל ינוס הקל ואל ימלט הגבור צפונה על יד נהר פרת כשלו ונפלו׃

ואבד מנוס מקל וחזק לא יאמץ כחו וגבור לא ימלט נפשו׃

ואמיץ לבו בגבורים ערום ינוס ביום ההוא נאם יהוה׃

החכם עיניו בראשו והכסיל בחשך הולך וידעתי גם אני שמקרה אחד יקרה את כלם׃

ואמרתי אני בלבי כמקרה הכסיל גם אני יקרני ולמה חכמתי אני אז יותר ודברתי בלבי שגם זה הבל׃

ידעתי כי כל אשר יעשה האלהים הוא יהיה לעולם עליו אין להוסיף וממנו אין לגרע והאלהים עשה שיראו מלפניו׃

אמרתי אני בלבי את הצדיק ואת הרשע ישפט האלהים כי עת לכל חפץ ועל כל המעשה שם׃

ראה את מעשה האלהים כי מי יוכל לתקן את אשר עותו׃

אל תרבו תדברו גבהה גבהה יצא עתק מפיכם כי אל דעות יהוה ולא נתכנו עללות׃

שבעים בלחם נשכרו ורעבים חדלו עד עקרה ילדה שבעה ורבת בנים אמללה׃

יהוה מוריש ומעשיר משפיל אף מרומם׃

רגלי חסידו ישמר ורשעים בחשך ידמו כי לא בכח יגבר איש׃

לשום שפלים למרום וקדרים שגבו ישע׃

לכד חכמים בערמם ועצת נפתלים נמהרה׃

והוא ישקט ומי ירשע ויסתר פנים ומי ישורנו ועל גוי ועל אדם יחד׃

אין חכמה ואין תבונה ואין עצה לנגד יהוה׃

סוס מוכן ליום מלחמה וליהוה התשועה׃

מי זה אמר ותהי אדני לא צוה׃

מפי עליון לא תצא הרעות והטוב׃

וכל דארי ארעא כלה חשיבין וכמצביה עבד בחיל שמיא ודארי ארעא ולא איתי די ימחא בידה ויאמר לה מה עבדת׃

אשר גם לקחנו בו נחלתנו אנחנו המיעדים לה מאז במחשבת פעל הכל כעצת חפצו׃