Job 1:10
הלא את שכת בעדו ובעד ביתו ובעד כל אשר לו מסביב מעשה ידיו ברכת ומקנהו פרץ בארץ׃
Job 22:21-25
21
הסכן נא עמו ושלם בהם תבואתך טובה׃
22
קח נא מפיו תורה ושים אמריו בלבבך׃
23
אם תשוב עד שדי תבנה תרחיק עולה מאהלך׃
24
ושית על עפר בצר ובצור נחלים אופיר׃
25
והיה שדי בצריך וכסף תועפות לך׃
Proverbes 2:7
וצפן לישרים תושיה מגן להלכי תם׃
Proverbes 2:11
מזמה תשמר עליך תבונה תנצרכה׃
Proverbes 14:20
גם לרעהו ישנא רש ואהבי עשיר רבים׃
Proverbes 18:10
מגדל עז שם יהוה בו ירוץ צדיק ונשגב׃
Proverbes 18:11
הון עשיר קרית עזו וכחומה נשגבה במשכיתו׃
Esaïe 33:6
והיה אמונת עתיך חסן ישועת חכמת ודעת יראת יהוה היא אוצרו׃
Juges 9:15
ויאמר האטד אל העצים אם באמת אתם משחים אתי למלך עליכם באו חסו בצלי ואם אין תצא אש מן האטד ותאכל את ארזי הלבנון׃
Psaumes 57:1
למנצח אל תשחת לדוד מכתם בברחו מפני שאול במערה חנני אלהים חנני כי בך חסיה נפשי ובצל כנפיך אחסה עד יעבר הוות׃
Esaïe 30:2
ההלכים לרדת מצרים ופי לא שאלו לעוז במעוז פרעה ולחסות בצל מצרים׃
Esaïe 32:2
והיה איש כמחבא רוח וסתר זרם כפלגי מים בציון כצל סלע כבד בארץ עיפה׃
Deutéronome 30:19
העידתי בכם היום את השמים ואת הארץ החיים והמות נתתי לפניך הברכה והקללה ובחרת בחיים למען תחיה אתה וזרעך׃
Deutéronome 30:20
לאהבה את יהוה אלהיך לשמע בקלו ולדבקה בו כי הוא חייך וארך ימיך לשבת על האדמה אשר נשבע יהוה לאבתיך לאברהם ליצחק וליעקב לתת להם׃
Deutéronome 32:47
כי לא דבר רק הוא מכם כי הוא חייכם ובדבר הזה תאריכו ימים על האדמה אשר אתם עברים את הירדן שמה לרשתה׃
Proverbes 3:18
עץ חיים היא למחזיקים בה ותמכיה מאשר׃
Proverbes 8:35
כי מצאי מצאי חיים ויפק רצון מיהוה׃
Proverbes 9:11
כי בי ירבו ימיך ויוסיפו לך שנות חיים׃
Proverbes 11:4
לא יועיל הון ביום עברה וצדקה תציל ממות׃
Jean 12:50
ואני ידעתי כי מצותו חיי עולם לכן כל אשר אדבר כאשר אמר אלי אבי כן אני מדבר׃
Jean 17:3
ואלה הם חיי העולמים לדעת אתך אשר אתה לבדך אל אמת ואת ישוע המשיח אשר שלחת׃
Philippiens 3:8
וגם עודני חשב את כלן לחסרון לעמת מעלת ידיעת ישוע המשיח אדני אשר בעבורו חסרתי את נפשי מכל אלה ואחשבם לסחי להרויח את המשיח ולהמצא בו׃