ואם ככה את עשה לי הרגני נא הרג אם מצאתי חן בעיניך ואל אראה ברעתי׃

והוא הלך במדבר דרך יום ויבא וישב תחת רתם אחת וישאל את נפשו למות ויאמר רב עתה יהוה קח נפשי כי לא טוב אנכי מאבתי׃

למה יתן לעמל אור וחיים למרי נפש׃

השמחים אלי גיל ישישו כי ימצאו קבר׃

ותבחר מחנק נפשי מות מעצמותי׃

מאסתי לא לעלם אחיה חדל ממני כי הבל ימי׃

מי יתן בשאול תצפנני תסתירני עד שוב אפך תשית לי חק ותזכרני׃

ארור היום אשר ילדתי בו יום אשר ילדתני אמי אל יהי ברוך׃

והיה האיש ההוא כערים אשר הפך יהוה ולא נחם ושמע זעקה בבקר ותרועה בעת צהרים׃

למה זה מרחם יצאתי לראות עמל ויגון ויכלו בבשת ימי׃

ועתה יהוה קח נא את נפשי ממני כי טוב מותי מחיי׃

ויהי כזרח השמש וימן אלהים רוח קדים חרישית ותך השמש על ראש יונה ויתעלף וישאל את נפשו למות ויאמר טוב מותי מחיי׃

כי משוך אני מן השנים נפשי אותה להפטר ולהיות עם המשיח כי זה המבחר׃

ואני בטח וידע כי אותר ואעמד עם כלכם יחד לאמץ אתכם ולהגדיל שמחת אמונתכם׃

ראיתי את כל המעשים שנעשו תחת השמש והנה הכל הבל ורעות רוח׃

ועוד ראיתי תחת השמש מקום המשפט שמה הרשע ומקום הצדק שמה הרשע׃

ורוח נשאתני ותקחני ואלך מר בחמת רוחי ויד יהוה עלי חזקה׃

למה תראני און ועמל תביט ושד וחמס לנגדי ויהי ריב ומדון ישא׃

ופניתי אני בכל מעשי שעשו ידי ובעמל שעמלתי לעשות והנה הכל הבל ורעות רוח ואין יתרון תחת השמש׃

כי מה הוה לאדם בכל עמלו וברעיון לבו שהוא עמל תחת השמש׃

טוב מראה עינים מהלך נפש גם זה הבל ורעות רוח׃

זכר אני מה חלד על מה שוא בראת כל בני אדם׃