אין זכרון לראשנים וגם לאחרנים שיהיו לא יהיה להם זכרון עם שיהיו לאחרנה׃

וימת יוסף וכל אחיו וכל הדור ההוא׃

ויקם מלך חדש על מצרים אשר לא ידע את יוסף׃

היודע בחשך פלאך וצדקתך בארץ נשיה׃

כי רוח עברה בו ואיננו ולא יכירנו עוד מקומו׃

אז נדברו יראי יהוה איש את רעהו ויקשב יהוה וישמע ויכתב ספר זכרון לפניו ליראי יהוה ולחשבי שמו׃

כי מה יותר לחכם מן הכסיל מה לעני יודע להלך נגד החיים׃

ויקנן המלך אל אבנר ויאמר הכמות נבל ימות אבנר׃

כי יראה חכמים ימותו יחד כסיל ובער יאבדו ועזבו לאחרים חילם׃

וכאשר נגזר על בני אדם פעם אחת המות ואחריו הדין׃