וזכר את בוראיך בימי בחורתיך עד אשר לא יבאו ימי הרעה והגיעו שנים אשר תאמר אין לי בהם חפץ׃

כי תכתב עלי מררות ותורישני עונות נעורי׃

חטאות נעורי ופשעי אל תזכר כחסדך זכר לי אתה למען טובך יהוה׃

ועתה אם כל אלה ימוגו מה מאד חיבים אתם להתהלך בקדשה ובחסידות׃

ואנחנו כפי הבטחתו מחכים לשמים חדשים ולארץ חדשה אשר צדק ילין בם׃

כי כלינו באפך ובחמתך נבהלנו׃

כי כל ימינו פנו בעברתך כלינו שנינו כמו הגה׃

מי יודע עז אפך וכיראתך עברתך׃

עצמותיו מלאו עלומו ועמו על עפר תשכב׃

לכן חביבי בהיות לנו ההבטחות האלה נטהרה את עצמנו מכל טמאת בשר ורוח להשלים קדשתנו ביראת אלהים׃

ברח לך מתאות הנעורים ורדף צדק ואמונה ואהבה ושלום עם כל הקראים אל יהוה בלב טהור׃

הבל הבלים אמר קהלת הבל הבלים הכל הבל׃

ראיתי את כל המעשים שנעשו תחת השמש והנה הכל הבל ורעות רוח׃

הנה טפחות נתתה ימי וחלדי כאין נגדך אך כל הבל כל אדם נצב סלה׃

אולת קשורה בלב נער שבט מוסר ירחיקנה ממנו׃