עד כל ימי הארץ זרע וקציר וקר וחם וקיץ וחרף ויום ולילה לא ישבתו׃

בכל הארץ יצא קום ובקצה תבל מליהם לשמש שם אהל בהם׃

מקצה השמים מוצאו ותקופתו על קצותם ואין נסתר מחמתו׃

זרעו לעולם יהיה וכסאו כשמש נגדי׃

כירח יכון עולם ועד בשחק נאמן סלה׃

עשה ירח למועדים שמש ידע מבואו׃

הכפירים שאגים לטרף ולבקש מאל אכלם׃

יצא אדם לפעלו ולעבדתו עדי ערב׃

כה אמר יהוה אם תפרו את בריתי היום ואת בריתי הלילה ולבלתי היות יומם ולילה בעתם׃

וידם השמש וירח עמד עד יקם גוי איביו הלא היא כתובה על ספר הישר ויעמד השמש בחצי השמים ולא אץ לבוא כיום תמים׃

ולא היה כיום ההוא לפניו ואחריו לשמע יהוה בקול איש כי יהוה נלחם לישראל׃

למנצח משכיל לבני קרח כאיל תערג על אפיקי מים כן נפשי תערג אליך אלהים׃

שמש ירח עמד זבלה לאור חציך יהלכו לנגה ברק חניתך׃