Proverbes 10:21
שפתי צדיק ירעו רבים ואוילים בחסר לב ימותו׃
Proverbes 15:2
לשון חכמים תיטיב דעת ופי כסילים יביע אולת׃
Proverbes 15:7
שפתי חכמים יזרו דעת ולב כסילים לא כן׃
Proverbes 16:23
לב חכם ישכיל פיהו ועל שפתיו יסיף לקח׃
Proverbes 20:15
יש זהב ורב פנינים וכלי יקר שפתי דעת׃
Psaumes 45:2
יפיפית מבני אדם הוצק חן בשפתותיך על כן ברכך אלהים לעולם׃
Psaumes 71:15
פי יספר צדקתך כל היום תשועתך כי לא ידעתי ספרות׃
Psaumes 119:13
בשפתי ספרתי כל משפטי פיך׃
Cantique des Cantiques 4:11
נפת תטפנה שפתותיך כלה דבש וחלב תחת לשונך וריח שלמתיך כריח לבנון׃
Malachie 2:6
תורת אמת היתה בפיהו ועולה לא נמצא בשפתיו בשלום ובמישור הלך אתי ורבים השיב מעון׃
Malachie 2:7
כי שפתי כהן ישמרו דעת ותורה יבקשו מפיהו כי מלאך יהוה צבאות הוא׃
