מרבדים רבדתי ערשי חטבות אטון מצרים׃

ויסר פרעה את טבעתו מעל ידו ויתן אתה על יד יוסף וילבש אתו בגדי שש וישם רבד הזהב על צוארו׃

ויהי ביום השלישי ותלבש אסתר מלכות ותעמד בחצר בית המלך הפנימית נכח בית המלך והמלך יושב על כסא מלכותו בבית המלכות נכח פתח הבית׃

ומרדכי יצא מלפני המלך בלבוש מלכות תכלת וחור ועטרת זהב גדולה ותכריך בוץ וארגמן והעיר שושן צהלה ושמחה׃

כל כבודה בת מלך פנימה ממשבצות זהב לבושה׃

לרקמות תובל למלך בתולות אחריה רעותיה מובאות לך׃

ואלבישך רקמה ואנעלך תחש ואחבשך בשש ואכסך משי׃

ואתן נזם על אפך ועגילים על אזניך ועטרת תפארת בראשך׃

ופארכן אל יהי מבחוץ במחלפות שער ועדי זהב ולבישת מחלצים׃