משלי שלמה בן חכם ישמח אב ובן כסיל תוגת אמו׃

בן חכם ישמח אב וכסיל אדם בוזה אמו׃

בני אם חכם לבך ישמח לבי גם אני׃

גול יגול אבי צדיק יולד חכם וישמח בו׃

ישמח אביך ואמך ותגל יולדתך׃

חכם בני ושמח לבי ואשיבה חרפי דבר׃

ויאמר אליו המלאך אל תירא זכריהו כי נשמעה תפלתך ואלישבע אשתך תלד לך בן וקראת שמו יוחנן׃

כי גדול יהיה לפני יהוה ויין ושכר לא ישתה ורוח הקדש ימלא בעודנו בבטן אמו׃

והוא ילך לפניו ברוח אליהו ובגבורתו להשיב את לב אבות על בנים ואת הסוררים לתבונת הצדיקים להעמיד ליהוה עם מתקן׃

הרחק מעליה דרכך ואל תקרב אל פתח ביתה׃

פן ישבעו זרים כחך ועצביך בבית נכרי׃

כי בעד אשה זונה עד ככר לחם ואשת איש נפש יקרה תצוד׃

איש מחסור אהב שמחה אהב יין ושמן לא יעשיר׃

אוצר נחמד ושמן בנוה חכם וכסיל אדם יבלענו׃

נוצר תורה בן מבין ורעה זוללים יכלים אביו׃

עבד אדמתו ישבע לחם ומרדף רקים ישבע ריש׃

ויהי מקץ ימים ויאסף הבן הצעיר את הכל וילך אל ארץ רחוקה ושם פזר את רכשו וילך בדרך סובאים וזוללים׃

ויבא בנך זה אשר בלע את נחלתך עם הזנות ותזבח לו את עגל המרבק׃