Job 42:11
ויבאו אליו כל אחיו וכל אחיתיו וכל ידעיו לפנים ויאכלו עמו לחם בביתו וינדו לו וינחמו אתו על כל הרעה אשר הביא יהוה עליו ויתנו לו איש קשיטה אחת ואיש נזם זהב אחד׃
Proverbes 1:8
שמע בני מוסר אביך ואל תטש תורת אמך׃
Proverbes 1:9
כי לוית חן הם לראשך וענקים לגרגרתיך׃
Proverbes 9:8
אל תוכח לץ פן ישנאך הוכח לחכם ויאהבך׃
Proverbes 15:5
אויל ינאץ מוסר אביו ושמר תוכחת יערם׃
Proverbes 15:31
אזן שמעת תוכחת חיים בקרב חכמים תלין׃
Proverbes 15:32
פורע מוסר מואס נפשו ושומע תוכחת קונה לב׃
Proverbes 27:5
טובה תוכחת מגלה מאהבה מסתרת׃
Proverbes 27:6
נאמנים פצעי אוהב ונעתרות נשיקות שונא׃
1 Samuel 25:31-34
31
ולא תהיה זאת לך לפוקה ולמכשול לב לאדני ולשפך דם חנם ולהושיע אדני לו והיטב יהוה לאדני וזכרת את אמתך׃
32
ויאמר דוד לאביגל ברוך יהוה אלהי ישראל אשר שלחך היום הזה לקראתי׃
33
וברוך טעמך וברוכה את אשר כלתני היום הזה מבוא בדמים והשע ידי לי׃
34
ואולם חי יהוה אלהי ישראל אשר מנעני מהרע אתך כי לולי מהרת ותבאתי לקראתי כי אם נותר לנבל עד אור הבקר משתין בקיר׃
Psaumes 141:5
יהלמני צדיק חסד ויוכיחני שמן ראש אל יני ראשי כי עוד ותפלתי ברעותיהם׃