מכל משמר נצר לבך כי ממנו תוצאות חיים׃

ואהבת את יהוה אלהיך בכל לבבך ובכל נפשך ובכל מאדך׃

האהב את אביו ואת אמו יותר ממני איננו כדי לי והאהב את בנו ובתו יותר ממני איננו כדי לי׃

ואשר לא יקח את צלבו והלך אחרי איננו כדי לי׃

איש כי יבוא אלי ולא ישנא את אביו ואת אמו ואת אשתו ואת בניו ואת אחיו ואת אחיתיו ואף גם את נפשו לא יוכל להיות תלמידי׃

כי אהבת המשיח דחקת אתנו בהיותנו דנים אשר אם מת אחד בעד כלם כלם מתו׃

ובעד כלם מת למען לא יחיו החיים עוד לנפשם כי אם לאשר מת ויקם בעדם׃

ולא כאשר הוחלנו כי אם את עצמם נתנו בראשונה לאדון וגם לנו ברצון האלהים׃

שישכן המשיח בלבבכם באמונה והייתם משרשים ומיסדים באהבה׃

עיניך לנכח יביטו ועפעפיך יישרו נגדך׃

אל תט ימין ושמאול הסר רגלך מרע׃

מי חכם וישמר אלה ויתבוננו חסדי יהוה׃

אשרי נצרי עדתיו בכל לב ידרשוהו׃

במה יזכה נער את ארחו לשמר כדברך׃

בלבי צפנתי אמרתך למען לא אחטא לך׃

מי חכם ויבן אלה נבון וידעם כי ישרים דרכי יהוה וצדקים ילכו בם ופשעים יכשלו בם׃

ועתה דבר הנבואה יותר קים אתנו והטיבתם עשות אשר שתם לבכם אליו כמו אל נר מאיר במקום אפל עד כי יבקע אור היום וזרח כוכב הנגה בלבבכם׃