אלה ברכב ואלה בסוסים ואנחנו בשם יהוה אלהינו נזכיר׃

שקר הסוס לתשועה וברב חילו לא ימלט׃

הנה עין יהוה אל יראיו למיחלים לחסדו׃

לא בגבורת הסוס יחפץ לא בשוקי האיש ירצה׃

שבתי וראה תחת השמש כי לא לקלים המרוץ ולא לגבורים המלחמה וגם לא לחכמים לחם וגם לא לנבנים עשר וגם לא לידעים חן כי עת ופגע יקרה את כלם׃

הוי הירדים מצרים לעזרה על סוסים ישענו ויבטחו על רכב כי רב ועל פרשים כי עצמו מאד ולא שעו על קדוש ישראל ואת יהוה לא דרשו׃

ואתה יהוה מגן בעדי כבודי ומרים ראשי׃

ליהוה הישועה על עמך ברכתך סלה׃

האל לנו אל למושעות וליהוה אדני למות תוצאות׃

הנותן תשועה למלכים הפוצה את דוד עבדו מחרב רעה׃