כל דרכי איש זך בעיניו ותכן רוחות יהוה׃

יש דרך ישר לפני איש ואחריתה דרכי מות׃

רב אדם יקרא איש חסדו ואיש אמונים מי ימצא׃

דור טהור בעיניו ומצאתו לא רחץ׃

כי החליק אליו בעיניו למצא עונו לשנא׃

ויתיצב הפרוש לבדו ויתפלל לאמר אלהים אודך כי אינני כאשר האדם הגזלים והעשקים והנאפים או גם כמכס הזה׃

אני צם פעמים בשבוע אני מעשר את כל קניני׃

כי החשב את עצמו להיות מה ואיננו מאומה את נפשו הוא מרמה׃

והיו עשי הדבר ולא שמעיו לבד לרמות את נפשכם׃

כי תאמר הן לא ידענו זה הלא תכן לבות הוא יבין ונצר נפשך הוא ידע והשיב לאדם כפעלו׃

ויאמר יהוה אל שמואל אל תבט אל מראהו ואל גבה קומתו כי מאסתיהו כי לא אשר יראה האדם כי האדם יראה לעינים ויהוה יראה ללבב׃

אני יהוה חקר לב בחן כליות ולתת לאיש כדרכו כפרי מעלליו׃

ויאמר אליהם אתם הם המצטדקים לפני האדם ואלהים יודע את לבבכם כי הגבה באדם תועבה הוא לפני האלהים׃

והוא ישוע לא הפקיד את עצמו בידם על אשר ידע את כלם׃

ולא הצטרך לעדות איש על האדם כי הוא ידע מה בקרב האדם׃

והרגתי במות את בניה וידעו כל הקהלות כי אני חקר כליות ולב ונתתי לכם לכל איש כפרי מעלליו׃