הלוך את חכמים וחכם ורעה כסילים ירוע׃

והמטים עקלקלותם יוליכם יהוה את פעלי האון שלום על ישראל׃

ואת הנסוגים מאחרי יהוה ואשר לא בקשו את יהוה ולא דרשהו׃

וזה הוא הדין כי האור בא אל העולם ובני האדם אהבו החשך מן האור כי רעים מעשיהם׃

כי כל פעל עולה ישנא את האור ולא יבא לאור פן יוכחו מעשיו׃

כי אלה אשר נגה עליהם האור וטעמו ממתנת השמים ונתן להם חלקם ברוח הקדש׃

נמנעו מהתחדש עוד לתשובה כי צלבו להם מחדש את בן האלהים ויתנוהו למשל׃

כי אם נחטא בזדון אחרי אשר קבלנו דעת האמת לא ישאר עוד זבח קרבן לכפר על החטא׃

כי אם בעותי הדין העתיד ואש קנאה אשר תאכל את הצררים׃

הצדיק באמונתו יחיה ואם יסג אחור לא רצתה נפשי בו׃

טוב היה להם לא לדעת את דרך הצדקה מאשר ידעהו ונסגו אחור מן המצוה הקדושה המסורה להם׃

ויקר להם כאשר יאמר משל האמת הכלב שב על קאו והחזיר עלה מן הרחצה להתגלל ברפש׃

מאתנו יצאו אך לא משלנו היו כי אלו היו משלנו כי אז היו עמדים עמנו אבל למען יגלו כי לא כלם משלנו המה׃

כי שחה אל מות ביתה ואל רפאים מעגלתיה׃

כל באיה לא ישובון ולא ישיגו ארחות חיים׃

כי רבים חללים הפילה ועצמים כל הרגיה׃

דרכי שאול ביתה ירדות אל חדרי מות׃

ולא ידע כי רפאים שם בעמקי שאול קראיה׃

גם אתכם המתים לפנים בפשעיכם וחטאתיכם׃

הלא צורי מכשול המה בסעודתיכם של אהבה ובקלות ראש יאכלו וישתו עמכם ורעים את נפשם עננים הם בבלי מים הנדפים מפני רוח עצי חרף באין פרי אשר מתו פעמים ונעקרו׃