אל תחרש על רעך רעה והוא יושב לבטח אתך׃

חמד רשע מצוד רעים ושרש צדיקים יתן׃

און יחשב על משכבו יתיצב על דרך לא טוב רע לא ימאס׃

הוות תחשב לשונך כתער מלטש עשה רמיה׃

אהבת רע מטוב שקר מדבר צדק סלה׃

]22-12[ כי מתוך לב האדם יצאות המחשבות הרעות נאף וזנה ורצוח וגנוב ואהבת בצע ורשעה ורמיה וזוללות וצרות עין וגדוף וזדון וסכלות׃

]22-12[׃

וכל זאת היתה לנו למופת לבלתי התאות לרעה כאשר התאוו גם המה׃

מאין המלחמות והמדנים אשר ביניכם הלא מתוך התאות המתגרות באבריכם׃

הן אתם מבקשים ואינכם מקבלים על אשר תתפללו ברעה למען תבלו בתאותיכם׃

או התדמו בנפשכם כי לריק אמר הכתוב בקנאה יתאוה לרוח השכן בקרבנו׃

כי כל אשר בחלד תאות הבשר ותאות העינים וגאות ההון איננו מן אבינו כי אם מן החלד׃

אטם אזנו מזעקת דל גם הוא יקרא ולא יענה׃

שאל את נעריך ויגידו לך וימצאו הנערים חן בעיניך כי על יום טוב בנו תנה נא את אשר תמצא ידך לעבדיך ולבנך לדוד׃

ויען נבל את עבדי דוד ויאמר מי דוד ומי בן ישי היום רבו עבדים המתפרצים איש מפני אדניו׃

טוב איש חונן ומלוה יכלכל דבריו במשפט׃

פזר נתן לאביונים צדקתו עמדת לעד קרנו תרום בכבוד׃

כי נבל נבלה ידבר ולבו יעשה און לעשות חנף ולדבר אל יהוה תועה להריק נפש רעב ומשקה צמא יחסיר׃

ונדיב נדיבות יעץ והוא על נדיבות יקום׃

שנאי טוב ואהבי רעה גזלי עורם מעליהם ושארם מעל עצמותם׃

ואשר אכלו שאר עמי ועורם מעליהם הפשיטו ואת עצמתיהם פצחו ופרשו כאשר בסיר וכבשר בתוך קלחת׃

כי אין חסד בדין לאשר לא עשה חסד והחסד יתגאה על הדין׃

הנה שכר הפעלים אספי קציר שדתיכם אשר עשקתם צעק עליכם וצעקת הקוצרים באה באזני יהוה צבאות׃

הרשעתם והמתם את הצדיק והוא נענה לא יפתח פיו׃