לאדם מערכי לב ומיהוה מענה לשון׃

לב אדם יחשב דרכו ויהוה יכין צעדו׃

מיהוה מצעדי גבר ואדם מה יבין דרכו׃

ברוך יהוה אלהי אבותינו אשר נתן כזאת בלב המלך לפאר את בית יהוה אשר בירושלם׃

ועלי הטה חסד לפני המלך ויועציו ולכל שרי המלך הגברים ואני התחזקתי כיד יהוה אלהי עלי ואקבצה מישראל ראשים לעלות עמי׃

אנא אדני תהי נא אזנך קשבת אל תפלת עבדך ואל תפלת עבדיך החפצים ליראה את שמך והצליחה נא לעבדך היום ותנהו לרחמים לפני האיש הזה ואני הייתי משקה למלך׃

ויאמר לי המלך על מה זה אתה מבקש ואתפלל אל אלהי השמים׃

הפך לבם לשנא עמו להתנכל בעבדיו׃

ויתן אותם לרחמים לפני כל שוביהם׃

וכל דארי ארעא כלה חשיבין וכמצביה עבד בחיל שמיא ודארי ארעא ולא איתי די ימחא בידה ויאמר לה מה עבדת׃

ויצילהו מכל צרותיו ויתן לו חן וחכמה לפני פרעה מלך מצרים וישימהו שליט על מצרים ועל כל ביתו׃

אתה בקעת מעין ונחל אתה הובשת נהרות איתן׃

מקלות מים רבים אדירים משברי ים אדיר במרום יהוה׃

הים ראה וינס הירדן יסב לאחור׃

מה לך הים כי תנוס הירדן תסב לאחור׃

הנני עשה חדשה עתה תצמח הלוא תדעוה אף אשים במדבר דרך בישמון נהרות׃

האמר לצולה חרבי ונהרתיך אוביש׃

וישפך השלישי את קערתו בנהרות ובמעינות המים ויהיו לדם׃

וישפך הששי את קערתו על הנהר הגדול נהר פרת ויחרבו מימיו למען תישר מסלה למלכים אשר ממזרח שמש׃