אל תיגע להעשיר מבינתך חדל׃

איש אמונות רב ברכות ואץ להעשיר לא ינקה׃

נבהל להון איש רע עין ולא ידע כי חסר יבאנו׃

אבל המבקשים להעשיר יפלו בנסיון ובמוקשים וברב תאות סבלות ומשחיתות המשקיעות את האדם בשחת ובאבדון׃

טוב ינחיל בני בנים וצפון לצדיק חיל חוטא׃

מרבה הונו בנשך ובתרבית לחונן דלים יקבצנו׃

אם יצבר כעפר כסף וכחמר יכין מלבוש׃

יכין וצדיק ילבש וכסף נקי יחלק׃

הלוא אלה כלם עליו משל ישאו ומליצה חידות לו ויאמר הוי המרבה לא לו עד מתי ומכביד עליו עבטיט׃

הוצאתיה נאם יהוה צבאות ובאה אל בית הגנב ואל בית הנשבע בשמי לשקר ולנה בתוך ביתו וכלתו ואת עציו ואת אבניו׃

אם לא תשמעו ואם לא תשימו על לב לתת כבוד לשמי אמר יהוה צבאות ושלחתי בכם את המארה וארותי את ברכותיכם וגם ארותיה כי אינכם שמים על לב׃