רע ירוע כי ערב זר ושנא תקעים בוטח׃

אל תהי בתקעי כף בערבים משאות׃

אם אין לך לשלם למה יקח משכבך מתחתיך׃

קח בגדו כי ערב זר ובעד נכריה חבלהו׃

אם חבל תחבל שלמת רעך עד בא השמש תשיבנו לו׃

כי הוא כסותה לבדה הוא שמלתו לערו במה ישכב והיה כי יצעק אלי ושמעתי כי חנון אני׃

להצילך מאשה זרה מנכריה אמריה החליקה׃

כי נפת תטפנה שפתי זרה וחלק משמן חכה׃

לשמרך מאשה זרה מנכריה אמריה החליקה׃

והנה אשה לקראתו שית זונה ונצרת לב׃

כי שוחה עמקה זונה ובאר צרה נכריה׃