יקרה היא מפניים וכל חפציך לא ישוו בה׃

כי טובה חכמה מפנינים וכל חפצים לא ישוו בה׃

כסף נבחר לשון צדיק לב רשעים כמעט׃

שפתי צדיק ירעו רבים ואוילים בחסר לב ימותו׃

שפתי חכמים יזרו דעת ולב כסילים לא כן׃

שמחה לאיש במענה פיו ודבר בעתו מה טוב׃

קנה חכמה מה טוב מחרוץ וקנות בינה נבחר מכסף׃

לחכם לב יקרא נבון ומתק שפתים יסיף לקח׃

צוף דבש אמרי נעם מתוק לנפש ומרפא לעצם׃

נזם זהב וחלי כתם מוכיח חכם על אזן שמעת׃

והחכמה מאין תמצא ואי זה מקום בינה׃

תהום אמר לא בי היא וים אמר אין עמדי׃

לא תסלה בכתם אופיר בשהם יקר וספיר׃

ראמות וגביש לא יזכר ומשך חכמה מפנינים׃

ויתר שהיה קהלת חכם עוד למד דעת את העם ואזן וחקר תקן משלים הרבה׃

דברי חכמים כדרבנות וכמשמרות נטועים בעלי אספות נתנו מרעה אחד׃

ועתה איך יקראו אל אשר לא האמינו בו ואיך יאמינו באשר לא שמעו את שמעו ואיך ישמעו באין מגיד׃

ואיך יגידו אם אינם שלוחים ככתוב מה נאוו רגלי מבשר שלום מבשר טוב׃

כל דבר נבול לא יצא מפיכם כי אם הטוב והמועיל לבנות לפי הצרך למען יתן חן לשמעיו׃