עד מתי עצל תשכב מתי תקום משנתך׃

ובא כמהלך ראשך ומחסרך כאיש מגן׃

ראש עשה כף רמיה ויד חרוצים תעשיר׃

עבד אדמתו ישבע לחם ומרדף ריקים חסר לב׃

מתאוה ואין נפשו עצל ונפש חרצים תדשן׃

עצלה תפיל תרדמה ונפש רמיה תרעב׃

על שדה איש עצל עברתי ועל כרם אדם חסר לב׃

ואחזה אנכי אשית לבי ראיתי לקחתי מוסר׃

ובא מתהלך רישך ומחסריך כאיש מגן׃

שקדו ואל תעצלו התלהבו ברוח עבדו את האדון׃

כי גם בהיותנו אצלכם צוינו אתכם לאמר מי שלא ירצה לעבד גם אכול לא יאכל׃

ויקרב אליו רב החבל ויאמר לו מה לך נרדם קום קרא אל אלהיך אולי יתעשת האלהים לנו ולא נאבד׃

וכזאת עשו מדעתכם את הזמן כי כבר הגיעה השעה להקיץ מן השנה כי ישועתנו קרובה עתה מהיום אשר באנו להאמין׃

הקיצו במישרים משכרון ואל תחטאו כי יש אנשים אשר אין בהם דעת אלהים לבשתכם אני אמר זאת׃

על כן הוא אומר עורה הישן וקומה מן המתים ויאר לך המשיח׃