כי טוב סחרה מסחר כסף ומחרוץ תבואתה׃

יקרה היא מפניים וכל חפציך לא ישוו בה׃

עשר וכבוד אתי הון עתק וצדקה׃

טוב פריי מחרוץ ומפז ותבואתי מכסף נבחר׃

קנה חכמה מה טוב מחרוץ וקנות בינה נבחר מכסף׃

אמת קנה ואל תמכר חכמה ומוסר ובינה׃

הנחמדים מזהב ומפז רב ומתוקים מדבש ונפת צופים׃

בדרך עדותיך ששתי כעל כל הון׃

טוב לי תורת פיך מאלפי זהב וכסף׃

על כן אהבתי מצותיך מזהב ומפז׃

אל תאצרו לכם אוצרות בארץ אשר יאכלום שם סס ורקב וגנבים יחתרו שם וגנבו׃

כי במקום אשר אוצרכם בו שם יהיה גם לבבכם׃

עוד דומה מלכות השמים לאוצר טמון בשדה אשר מצאו איש ויטמנהו ובשמחתו ילך ומכר את כל אשר לו וקנה את השדה ההוא׃

ויאמר ישוע אליו אם חפצך להיות שלם לך מכר את רכשך ותן לעניים והיה לך אוצר בשמים ושוב הלם ולך אחרי׃

ויהי כשמע הבחור את הדבר הזה וילך משם נעצב כי היו לו נכסים רבים׃

וכל איש אשר עזב את בתיו ואת אחיו ואת אחיותיו ואת אביו ואת אמו ואת אשתו ואת בניו ואת שדותיו למען שמי הוא יקח מאה שערים וחיי עולמים יירש׃

והחכמה מאין תמצא ואי זה מקום בינה׃

תהום אמר לא בי היא וים אמר אין עמדי׃

לא תסלה בכתם אופיר בשהם יקר וספיר׃

ראמות וגביש לא יזכר ומשך חכמה מפנינים׃

והחכמה מאין תבוא ואי זה מקום בינה׃

יש אחד ואין שני גם בן ואח אין לו ואין קץ לכל עמלו גם עיניו לא תשבע עשר ולמי אני עמל ומחסר את נפשי מטובה גם זה הבל וענין רע הוא׃

וישבח האדון את פקיד העולה על אשר הערים לעשות כי בני העולם הזה ערומים הם בדורם מבני האור׃