לתאוה יבקש נפרד בכל תושיה יתגלע׃

לא יחפץ כסיל בתבונה כי אם בהתגלות לבו׃

אכל בני דבש כי טוב ונפת מתוק על חכך׃

כן דעה חכמה לנפשך אם מצאת ויש אחרית ותקותך לא תכרת׃

מצות שפתיו ולא אמיש מחקי צפנתי אמרי פיו׃

הנחמדים מזהב ומפז רב ומתוקים מדבש ונפת צופים׃

יערב עליו שיחי אנכי אשמח ביהוה׃

מה אהבתי תורתך כל היום היא שיחתי׃

מה נמלצו לחכי אמרתך מדבש לפי׃

נחלתי עדותיך לעולם כי ששון לבי המה׃

שש אנכי על אמרתך כמוצא שלל רב׃

נמצאו דבריך ואכלם ויהי דבריך לי לששון ולשמחת לבבי כי נקרא שמך עלי יהוה אלהי צבאות׃

דבר האדון ישכן בקרבכם בשפע רב בכל חכמה ותלמדו ותעוררו את נפשכם בתהלות ותשבחות ושירות רוחניות ושירו ליהוה בנעימה בלבבכם׃