למה זה מחיר ביד כסיל לקנות חכמה ולב אין׃

ונתתי לכם לב חדש ורוח חדשה אתן בקרבכם והסרתי את לב האבן מבשרכם ונתתי לכם לב בשר׃

כי מצאי מצאי חיים ויפק רצון מיהוה׃

וחטאי חמס נפשו כל משנאי אהבו מות׃

האהב את נפשו יאבדנה והשנא את נפשו בעולם הזה ינצרה לחיי נצח׃

כי האיש החפץ חיים אהב ימים לראות טוב יצר לשונו מרע ושפתיו מדבר מרמה׃

בני אם תקח אמרי ומצותי תצפן אתך׃

כי אם לבינה תקרא לתבונה תתן קולך׃

אז תבין יראת יהוה ודעת אלהים תמצא׃

וצפן לישרים תושיה מגן להלכי תם׃

אז תבין צדק ומשפט ומישרים כל מעגל טוב׃

עץ חיים היא למחזיקים בה ותמכיה מאשר׃

בני אל ילזו מעיניך נצר תשיה ומזמה׃

וירני ויאמר לי יתמך דברי לבך שמר מצותי וחיה׃

אל תעזבה ותשמרך אהבה ותצרך׃

אל יליזו מעיניך שמרם בתוך לבבך׃

משכיל על דבר ימצא טוב ובוטח ביהוה אשריו׃

כי נעים כי תשמרם בבטנך יכנו יחדו על שפתיך׃

גם עבדך נזהר בהם בשמרם עקב רב׃

מי אשר מצותי אתו וינצרן זה הוא אשר יאהבני ואהבי אהוב הוא לאבי ואני אהבהו ואליו אתודע׃