רבים יחלו פני נדיב וכל הרע לאיש מתן׃

כל אחי רש שנאהו אף כי מרעהו רחקו ממנו מרדף אמרים לא המה׃

גם לרעהו ישנא רש ואהבי עשיר רבים׃

ויהי מקץ ימים ויאסף הבן הצעיר את הכל וילך אל ארץ רחוקה ושם פזר את רכשו וילך בדרך סובאים וזוללים׃

וילך וידבק באחד מבני המדינה בארץ ההיא וישלח אותו אל שדותיו לרעות חזירים׃

הון עשיר קרית עזו מחתת דלים רישם׃

אחי בגדו כמו נחל כאפיק נחלים יעברו׃

בעת יזרבו נצמתו בחמו נדעכו ממקומם׃

הביטו ארחות תמא הליכת שבא קוו למו׃

כי עתה הייתם לא תראו חתת ותיראו׃

ומלטוני מיד צר ומיד עריצים תפדוני׃

אחי מעלי הרחיק וידעי אך זרו ממני׃

גרי ביתי ואמהתי לזר תחשבני נכרי הייתי בעיניהם׃

רוחי זרה לאשתי וחנתי לבני בטני׃