והושיבו שנים אנשים בני בליעל נגדו ויעדהו לאמר ברכת אלהים ומלך והוציאהו וסקלהו וימת׃

ויבאו שני האנשים בני בליעל וישבו נגדו ויעדהו אנשי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃

ויסיתו בו אנשים אמרים שמענו אתו מדבר גדופים במשה ובאלהים׃

ויעמידו עדי שקר אשר אמרו האיש הזה איננו חדל מהטיח דברים נגד מקום הקדש הזה ונגד התורה׃

יחילו דרכו בכל עת מרום משפטיך מנגדו כל צורריו יפיח בהם׃

אמר בלבו שכח אל הסתיר פניו בל ראה לנצח׃

לכן שמעו דבר יהוה אנשי לצון משלי העם הזה אשר בירושלם׃

לכן כה אמר אדני יהוה הנני יסד בציון אבן אבן בחן פנת יקרת מוסד מוסד המאמין לא יחיש׃

וכפר בריתכם את מות וחזותכם את שאול לא תקום שוט שוטף כי יעבר והייתם לו למרמס׃

ויאמר שופט היה בעיר אחת אשר לא ירא את האלהים ולא נשא פנים לאדם׃

וימאן מיום אל יום ואחרי כן אמר בנפשו גם כי את האלהים אינני ירא ולאדם לא אשא פנים׃

לב נבון יבקש דעת ופני כסילים ירעה אולת׃

אף כי נתעב ונאלח איש שתה כמים עולה׃

אם תמתיק בפיו רעה יכחידנה תחת לשונו׃

יחמל עליה ולא יעזבנה וימנענה בתוך חכו׃

מי גבר כאיוב ישתה לעג כמים׃

חטאת עמי יאכלו ואל עונם ישאו נפשו׃