שפתי צדיק ירעו רבים ואוילים בחסר לב ימותו׃

ויתר שהיה קהלת חכם עוד למד דעת את העם ואזן וחקר תקן משלים הרבה׃

ביבש קצירה תשברנה נשים באות מאירות אותה כי לא עם בינות הוא על כן לא ירחמנו עשהו ויצרו לא יחננו׃

נדמו עמי מבלי הדעת כי אתה הדעת מאסת ואמאסאך מכהן לי ותשכח תורת אלהיך אשכח בניך גם אני׃

וכזאת יעשו לכם יען גם את אבי וגם אתי לא ידעו׃

כי מעיד אני עליהם שיש להם קנאה לאלהים אך לא בדעת׃

ועל זאת מתפלל אנכי כי תרבה ותגדל אהבתכם בהשכל ובכל דעת׃

כי רגליהם לרע ירוצו וימהרו לשפך דם׃

ארך אפים רב תבונה וקצר רוח מרים אולת׃

מחשבות חרוץ אך למותר וכל אץ אך למחסור׃

אל תצא לרב מהר פן מה תעשה באחריתה בהכלים אתך רעך׃

נבהל להון איש רע עין ולא ידע כי חסר יבאנו׃

אם הלכתי עם שוא ותחש על מרמה רגלי׃

אל תבהל ברוחך לכעוס כי כעס בחיק כסילים ינוח׃

לכן כה אמר אדני יהוה הנני יסד בציון אבן אבן בחן פנת יקרת מוסד מוסד המאמין לא יחיש׃