בני תורתי אל תשכח ומצותי יצר לבך׃

באין חזון יפרע עם ושמר תורה אשרהו׃

לשמרי בריתו ולזכרי פקדיו לעשותם׃

שומר מצוה לא ידע דבר רע ועת ומשפט ידע לב חכם׃

סוף דבר הכל נשמע את האלהים ירא ואת מצותיו שמור כי זה כל האדם׃

כי אם את הדבר הזה צויתי אותם לאמר שמעו בקולי והייתי לכם לאלהים ואתם תהיו לי לעם והלכתם בכל הדרך אשר אצוה אתכם למען ייטב לכם׃

ויאמר אליו כן השיבות עשה זאת וחיה׃

והוא אמר ואף כי אשרי השמעים והשמרים את דבר האלהים׃

אם אהבתם אתי את מצותי תשמרו׃

מי אשר מצותי אתו וינצרן זה הוא אשר יאהבני ואהבי אהוב הוא לאבי ואני אהבהו ואליו אתודע׃

ויען ישוע ויאמר אליו איש כי יאהבני ישמר את דברי ואבי יאהב אתו ונבואה אליו ונשים אצלו מעונתנו׃

אם תשמרו את מצותי תעמדו באהבתי כאשר שמרתי גם אני את מצות אבי ועמדתי באהבתו׃

הנה זאת מצותי כי תאהבון איש את אחיו כאשר אהבתיכם׃

ואתם ידידי אתם אם תעשו את אשר אני מצוה אתכם׃

אין המילה נחשבה ואין הערלה נחשבה כי אם שמירת מצות האלהים׃

ובזאת נדע כי הכרנו אותו אם נשמר את מצותיו׃

האמר הכרתיו ואת מצותיו לא ישמר כזב הוא והאמת אין בו׃

וכל אשר נשאל מאתו נקבל כי נשמר את מצותיו ונעשה את הרצוי לפניו׃

כי זאת אהבת אלהים היא אשר נשמר את מצותיו ומצותיו אינן כבדות׃

אשרי העשים את מצותיו למען תהיה ממשלתם בעץ החיים ובאו העירה דרך השערים׃

מסלת ישרים סור מרע שמר נפשו נצר דרכו׃

שמר פיו ולשונו שמר מצרות נפשו׃

צנים פחים בדרך עקש שומר נפשו ירחק מהם׃

את קול השופר שמע ולא נזהר דמו בו יהיה והוא נזהר נפשו מלט׃

כי מה יועיל האדם כי יקנה את כל העולם ונפשו תשחת או מה יתן האדם פדיון נפשו׃

בז לדבר יחבל לו וירא מצוה הוא ישלם׃

פורע מוסר מואס נפשו ושומע תוכחת קונה לב׃