Proverbes 12:16
אויל ביום יודע כעסו וכסה קלון ערום׃
Proverbes 13:10
רק בזדון יתן מצה ואת נועצים חכמה׃
Proverbes 14:16
חכם ירא וסר מרע וכסיל מתעבר ובוטח׃
Proverbes 16:27
איש בליעל כרה רעה ועל שפתיו כאש צרבת׃
Proverbes 16:28
איש תהפכות ישלח מדון ונרגן מפריד אלוף׃
Proverbes 17:14
פוטר מים ראשית מדון ולפני התגלע הריב נטוש׃
Proverbes 20:3
כבוד לאיש שבת מריב וכל אויל יתגלע׃
Proverbes 27:3
כבד אבן ונטל החול וכעס אויל כבד משניהם׃
Proverbes 14:3
בפי אויל חטר גאוה ושפתי חכמים תשמורם׃
Proverbes 19:19
גרל חמה נשא ענש כי אם תציל ועוד תוסף׃
Proverbes 22:24
אל תתרע את בעל אף ואת איש חמות לא תבוא׃
Proverbes 22:25
פן תאלף ארחתו ולקחת מוקש לנפשך׃
Proverbes 25:24
טוב שבת על פנת גג מאשת מדונים ובית חבר׃
Proverbes 29:9
איש חכם נשפט את איש אויל ורגז ושחק ואין נחת׃