גם אלה לחכמים הכר פנים במשפט בל טוב׃

אמר לרשע צדיק אתה יקבהו עמים יזעמוהו לאמים׃

מדבר שקר תרחק ונקי וצדיק אל תהרג כי לא אצדיק רשע׃

ויבאו שני האנשים בני בליעל וישבו נגדו ויעדהו אנשי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃

מצדיקי רשע עקב שחד וצדקת צדיקים יסירו ממנו׃

כי לא מחשבותי מחשבותיכם ולא דרכיכם דרכי נאם יהוה׃

כי גבהו שמים מארץ כן גבהו דרכי מדרכיכם ומחשבתי ממחשבתיכם׃

שריה בקרבה כזאבים טרפי טרף לשפך דם לאבד נפשות למען בצע בצע׃

עם הארץ עשקו עשק וגזלו גזל ועני ואביון הונו ואת הגר עשקו בלא משפט׃

ההפכים ללענה משפט וצדקה לארץ הניחו׃

כי ידעתי רבים פשעיכם ועצמים חטאתיכם צררי צדיק לקחי כפר ואביונים בשער הטו׃

הירצון בסלע סוסים אם יחרוש בבקרים כי הפכתם לראש משפט ופרי צדקה ללענה׃

ויצעקו כל המונם ויאמרו הסר את זה ופטר לנו את בר אבא׃

ויסף פילטוס לשאת קולו כי חפץ לפטר את ישוע׃

ויאמר אליהם פעם שלישית מה אפוא עשה זה רעה כל אשמת מות לא מצאתי בו על כן איסרנו ואפטרנו׃

ויגזר פילטוס כי תעשה בקשתם׃

אבל לאשר איננו פעל כי אם מאמין במצדיק את הרשע אמונתו תחשב לו לצדקה׃

הרשעתם והמתם את הצדיק והוא נענה לא יפתח פיו׃

שש הנה שנא יהוה ושבע תועבות נפשו׃

מאזני מרמה תועבת יהוה ואבן שלמה רצונו׃

זבח רשעים תועבת יהוה ותפלת ישרים רצונו׃