כי מצאי מצאי חיים ויפק רצון מיהוה׃

שכל טוב יתן חן ודרך בגדים איתן׃

עבד משכיל ימשל בבן מביש ובתוך אחים יחלק נחלה׃

קנה לב אהב נפשו שמר תבונה למצא טוב׃

בחכמה יבנה בית ובתבונה יתכונן׃

גבר חכם בעוז ואיש דעת מאמץ כח׃

ויאמר פרעה אל עבדיו הנמצא כזה איש אשר רוח אלהים בו׃

אתה תהיה על ביתי ועל פיך ישק כל עמי רק הכסא אגדל ממך׃

וידבר אתם המלך ולא נמצא מכלם כדניאל חנניה מישאל ועזריה ויעמדו לפני המלך׃

ויהי דניאל עד שנת אחת לכורש המלך׃

הנני שלח אתכם ככבשים בין הזאבים לכן היו ערומים כנחשים ותמימים כיונים׃

להיות ביהוה מבטחך הודעתיך היום אף אתה׃

הלא כתבתי לך שלשום במועצות ודעת׃

ויעזרו עליהם וינתנו בידם ההגריאים וכל שעמהם כי לאלהים זעקו במלחמה ונעתור להם כי בטחו בו׃

נשקו בר פן יאנף ותאבדו דרך כי יבער כמעט אפו אשרי כל חוסי בו׃

טעמו וראו כי טוב יהוה אשרי הגבר יחסה בו׃

שיר המעלות הבטחים ביהוה כהר ציון לא ימוט לעולם ישב׃

אשרי שאל יעקב בעזרו שברו על יהוה אלהיו׃

יצר סמוך תצר שלום שלום כי בך בטוח׃

בטחו ביהוה עדי עד כי ביה יהוה צור עולמים׃

ולכן יחכה יהוה לחננכם ולכן ירום לרחמכם כי אלהי משפט יהוה אשרי כל חוכי לו׃

ברוך הגבר אשר יבטח ביהוה והיה יהוה מבטחו׃

והיה כעץ שתול על מים ועל יובל ישלח שרשיו ולא ירא כי יבא חם והיה עלהו רענן ובשנת בצרת לא ידאג ולא ימיש מעשות פרי׃

ענה נבוכדנצר ואמר בריך אלההון די שדרך מישך ועבד נגו די שלח מלאכה ושיזב לעבדוהי די התרחצו עלוהי ומלת מלכא שניו ויהבו גשמיהון די לא יפלחון ולא יסגדון לכל אלה להן לאלההון׃

באדין מלכא שגיא טאב עלוהי ולדניאל אמר להנסקה מן גבא והסק דניאל מן גבא וכל חבל לא השתכח בה די הימן באלהה׃

להיותנו לתהלת כבודו אנחנו אשר יחלנו אל המשיח מאז׃

ואשר גם אתם נטועים בו אחרי שמעכם דבר האמת את בשורת ישועתכם ואשר בו כשהאמנתם גם נחתמתם ברוח ההבטחה רוח הקדש׃