שש הנה שנא יהוה ושבע תועבות נפשו׃

לב חרש מחשבות און רגלים ממהרות לרוץ לרעה׃

זמת אולת חטאת ותועבת לאדם לץ׃

כבסי מרעה לבך ירושלם למען תושעי עד מתי תלין בקרבך מחשבות אונך׃

כי מן הלב יוצאות מחשבות רע רציחות נאופים זנונים גנבות עדיות שקר וגדופים׃

שמחה לאיש במענה פיו ודבר בעתו מה טוב׃

יהיו לרצון אמרי פי והגיון לבי לפניך יהוה צורי וגאלי׃

פי צדיק יהגה חכמה ולשונו תדבר משפט׃

תורת אלהיו בלבו לא תמעד אשריו׃

למנצח על ששנים לבני קרח משכיל שיר ידידת רחש לבי דבר טוב אמר אני מעשי למלך לשוני עט סופר מהיר׃

ילדי הצפעונים איכה תוכלו למלל טוב ואתם רעים כי משפעת הלב ימלל הפה׃

ואני אמר לכם כל מלה בטלה אשר ידברו בני האדם יתנו עליה חשבון ביום הדין׃