כי נר מצוה ותורה אור ודרך חיים תוכחות מוסר׃

תודיעני ארח חיים שבע שמחות את פניך נעמות בימינך נצח׃

וראה אם דרך עצב בי ונחני בדרך עולם׃

ואל העם הזה תאמר כה אמר יהוה הנני נתן לפניכם את דרך החיים ואת דרך המות׃

ומה צר הפתח ומוצק הדרך המביא לחיים ומעטים הם אשר ימצאוהו׃

ויאמר אליו ישוע אנכי הנני הדרך והאמת והחיים לא יבא איש אל האב כי אם על ידי׃

אשר אחריתם האבדון אשר כרסם אלהיהם וכבודם בבשתם וקרבם הבלי חלד׃

לכן אם קמתם עם המשיח בקשו את אשר למעלה אשר המשיח ישב שם לימין האלהים׃

את אשר למעלה יהגה לבבכם לא את אשר בארץ׃

כי שחה אל מות ביתה ואל רפאים מעגלתיה׃

רגליה ירדות מות שאול צעדיה יתמכו׃

דרכי שאול ביתה ירדות אל חדרי מות׃

אל תוכח לץ פן ישנאך הוכח לחכם ויאהבך׃

אתה בשבט תכנו ונפשו משאול תציל׃