משלי שלמה בן חכם ישמח אב ובן כסיל תוגת אמו׃

בני אם חכם לבך ישמח לבי גם אני׃

ותעלזנה כליותי בדבר שפתיך מישרים׃

איש אהב חכמה ישמח אביו ורעה זונות יאבד הון׃

וגם ככה אמר המלך ברוך יהוה אלהי ישראל אשר נתן היום ישב על כסאי ועיני ראות׃

ועתה אל תנקהו כי איש חכם אתה וידעת את אשר תעשה לו והורדת את שיבתו בדם שאול׃

ויהי כשמע חירם את דברי שלמה וישמח מאד ויאמר ברוך יהוה היום אשר נתן לדוד בן חכם על העם הרב הזה׃

ואותו ידעתם כי בחון הוא אשר כבן העבד את אביו כן היה אתי בעבודת הבשורה׃

שמע לאביך זה ילדך ואל תבוז כי זקנה אמך׃

עין תלעג לאב ותבוז ליקהת אם יקרוה ערבי נחל ויאכלוה בני נשר׃

כבד את אביך ואת אמך למען יארכון ימיך על האדמה אשר יהוה אלהיך נתן לך׃

איש אמו ואביו תיראו ואת שבתתי תשמרו אני יהוה אלהיכם׃