מציל נפשות עד אמת ויפח כזבים מרמה׃

יפיח כזבים עד שקר ומשלח מדנים בין אחים׃

יפיח אמונה יגיד צדק ועד שקרים מרמה׃

דבר שקר ישנא צדיק ורשע יבאיש ויחפיר׃

עד שקרים לא ינקה ויפיח כזבים לא ימלט׃

עד שקרים לא ינקה ויפיח כזבים יאבד׃

לא תענה ברעך עד שקר׃

לא תשא שמע שוא אל תשת ידך עם רשע להית עד חמס׃

ויבאו שני האנשים בני בליעל וישבו נגדו ויעדהו אנשי הבליעל את נבות נגד העם לאמר ברך נבות אלהים ומלך ויצאהו מחוץ לעיר ויסקלהו באבנים וימת׃

וכל הנבאים נבאים כן לאמר עלה רמת גלעד והצלח ונתן יהוה ביד המלך׃

ויאמר מיכיהו חי יהוה כי את אשר יאמר יהוה אלי אתו אדבר׃