כי את אשר יאהב יהוה יוכיח וכאב את בן ירצה׃

וחטאי חמס נפשו כל משנאי אהבו מות׃

יסר בנך כי יש תקוה ואל המיתו אל תשא נפשך׃

אולת קשורה בלב נער שבט מוסר ירחיקנה ממנו׃

אל תמנע מנער מוסר כי תכנו בשבט לא ימות׃

אתה בשבט תכנו ונפשו משאול תציל׃

שבט ותוכחת יתן חכמה ונער משלח מביש אמו׃

יסר בנך ויניחך ויתן מעדנים לנפשך׃

איש כי יבוא אלי ולא ישנא את אביו ואת אמו ואת אשתו ואת בניו ואת אחיו ואת אחיתיו ואף גם את נפשו לא יוכל להיות תלמידי׃

כי את אשר יאהב יהוה יוכיח יכאב את בן ירצה׃

אך אם תהיו באין מוסר אשר היה מנת כלם אז ממזרים אתם ולא בנים׃