והקמתי את בריתי ביני ובינך ובין זרעך אחריך לדרתם לברית עולם להיות לך לאלהים ולזרעך אחריך׃

ונתתי לך ולזרעך אחריך את ארץ מגריך את כל ארץ כנען לאחזת עולם והייתי להם לאלהים׃

מי זה האיש ירא יהוה יורנו בדרך יבחר׃

נפשו בטוב תלין וזרעו יירש ארץ׃

בני עבדיך ישכונו וזרעם לפניך יכון׃

גבור בארץ יהיה זרעו דור ישרים יברך׃

וראה בנים לבניך שלום על ישראל׃

מרבה הונו בנשך ובתרבית לחונן דלים יקבצנו׃

אם יצבר כעפר כסף וכחמר יכין מלבוש׃

יכין וצדיק ילבש וכסף נקי יחלק׃

כי לאדם שטוב לפניו נתן חכמה ודעת ושמחה ולחוטא נתן ענין לאסוף ולכנוס לתת לטוב לפני האלהים גם זה הבל ורעות רוח׃