Proverbes 3:7
אל תהי חכם בעיניך ירא את יהוה וסור מרע׃
Proverbes 14:16
חכם ירא וסר מרע וכסיל מתעבר ובוטח׃
Proverbes 16:2
כל דרכי איש זך בעיניו ותכן רוחות יהוה׃
Proverbes 16:25
יש דרך ישר לפני איש ואחריתה דרכי מות׃
Proverbes 26:12
ראית איש חכם בעיניו תקוה לכסיל ממנו׃
Proverbes 26:16
חכם עצל בעיניו משבעה משיבי טעם׃
Proverbes 28:11
חכם בעיניו איש עשיר ודל מבין יחקרנו׃
Proverbes 30:12
דור טהור בעיניו ומצאתו לא רחץ׃
Luc 18:11
ויתיצב הפרוש לבדו ויתפלל לאמר אלהים אודך כי אינני כאשר האדם הגזלים והעשקים והנאפים או גם כמכס הזה׃
Galates 6:3
כי החשב את עצמו להיות מה ואיננו מאומה את נפשו הוא מרמה׃
Proverbes 1:5
ישמע חכם ויוסף לקח ונבון תחבלות יקנה׃
Proverbes 9:9
תן לחכם ויחכם עוד הודע לצדיק ויוסף לקח׃
Proverbes 19:20
שמע עצה וקבל מוסר למען תחכם באחריתך׃
Ecclesiaste 4:13
טוב ילד מסכן וחכם ממלך זקן וכסיל אשר לא ידע להזהר עוד׃
Jérémie 38:15-28
15
ויאמר ירמיהו אל צדקיהו כי אגיד לך הלוא המת תמיתני וכי איעצך לא תשמע אלי׃
16
וישבע המלך צדקיהו אל ירמיהו בסתר לאמר חי יהוה את אשר עשה לנו את הנפש הזאת אם אמיתך ואם אתנך ביד האנשים האלה אשר מבקשים את נפשך׃
17
ויאמר ירמיהו אל צדקיהו כה אמר יהוה אלהי צבאות אלהי ישראל אם יצא תצא אל שרי מלך בבל וחיתה נפשך והעיר הזאת לא תשרף באש וחיתה אתה וביתך׃
18
ואם לא תצא אל שרי מלך בבל ונתנה העיר הזאת ביד הכשדים ושרפוה באש ואתה לא תמלט מידם׃
19
ויאמר המלך צדקיהו אל ירמיהו אני דאג את היהודים אשר נפלו אל הכשדים פן יתנו אתי בידם והתעללו בי׃
20
ויאמר ירמיהו לא יתנו שמע נא בקול יהוה לאשר אני דבר אליך וייטב לך ותחי נפשך׃
21
ואם מאן אתה לצאת זה הדבר אשר הראני יהוה׃
22
והנה כל הנשים אשר נשארו בבית מלך יהודה מוצאות אל שרי מלך בבל והנה אמרות הסיתוך ויכלו לך אנשי שלמך הטבעו בבץ רגלך נסגו אחור׃
23
ואת כל נשיך ואת בניך מוצאים אל הכשדים ואתה לא תמלט מידם כי ביד מלך בבל תתפש ואת העיר הזאת תשרף באש׃
24
ויאמר צדקיהו אל ירמיהו איש אל ידע בדברים האלה ולא תמות׃
25
וכי ישמעו השרים כי דברתי אתך ובאו אליך ואמרו אליך הגידה נא לנו מה דברת אל המלך אל תכחד ממנו ולא נמיתך ומה דבר אליך המלך׃
26
ואמרת אליהם מפיל אני תחנתי לפני המלך לבלתי השיבני בית יהונתן למות שם׃
27
ויבאו כל השרים אל ירמיהו וישאלו אתו ויגד להם ככל הדברים האלה אשר צוה המלך ויחרשו ממנו כי לא נשמע הדבר׃
28
וישב ירמיהו בחצר המטרה עד יום אשר נלכדה ירושלם והיה כאשר נלכדה ירושלם׃