תהפכות בלבו חרש רע בכל עת מדנים ישלח׃

שש הנה שנא יהוה ושבע תועבות נפשו׃

לב חרש מחשבות און רגלים ממהרות לרוץ לרעה׃

יראת יהוה שנאת רע גאה וגאון ודרך רע ופי תהפכות שנאתי׃

עם חסיד תתחסד עם גבר תמים תתמם׃

עם נבר תתברר ועם עקש תתפתל׃

יסר לץ לקח לו קלון ומוכיח לרשע מומו׃

זבח רשעים תועבת יהוה ותפלת ישרים רצונו׃

מסלת ישרים סור מרע שמר נפשו נצר דרכו׃

העז איש רשע בפניו וישר הוא יכין דרכיו׃

כי צדיק יהוה צדקות אהב ישר יחזו פנימו׃

הן אמת חפצת בטחות ובסתם חכמה תודיעני׃

אך צדיקים יודו לשמך ישבו ישרים את פניך׃