למנצח מזמור לדוד אשרי משכיל אל דל ביום רעה ימלטהו יהוה׃

יהוה יסעדנו על ערש דוי כל משכבו הפכת בחליו׃

זרח בחשך אור לישרים חנון ורחום וצדיק׃

כי לעולם לא ימוט לזכר עולם יהיה צדיק׃

סמוך לבו לא יירא עד אשר יראה בצריו׃

וכלי כליו רעים הוא זמות יעץ לחבל ענוים באמרי שקר ובדבר אביון משפט׃

ונדיב נדיבות יעץ והוא על נדיבות יקום׃

הצדיק אבד ואין איש שם על לב ואנשי חסד נאספים באין מבין כי מפני הרעה נאסף הצדיק׃

הלוא פרס לרעב לחמך ועניים מרודים תביא בית כי תראה ערם וכסיתו ומבשרך לא תתעלם׃

אז תקרא ויהוה יענה תשוע ויאמר הנני אם תסיר מתוכך מוטה שלח אצבע ודבר און׃

ונחך יהוה תמיד והשביע בצחצחות נפשך ועצמתיך יחליץ והיית כגן רוה וכמוצא מים אשר לא יכזבו מימיו׃

להן מלכא מלכי ישפר עליך וחטיך בצדקה פרק ועויתך במחן ענין הן תהוא ארכה לשלותך׃

אשרי הרחמנים כי הם ירחמו׃

כי אם תסלחו לבני אדם את חטאתם אביכם שבשמים יסלח גם לכם׃

ואם לא תסלחו לבני אדם גם אביכם לא יסלח לכם את חטאתיכם׃

אז יאמר המלך אל הנצבים לימינו באו ברוכי אבי ורשו את המלכות המוכנה לכם למן הוסד העולם׃

ערום ותכסוני חולה ותבקרוני במשמר הייתי ותבאו אלי׃

ומתי ראינוך גר ונאספך או ערם ונכסך׃

והמלך יענה ויאמר אליהם אמן אמר אני לכם מה שעשיתם לאחד מאחי הצעירים האלה לי עשיתם׃

תנו ותנתן לכם מדה טובה דחוקה וגדושה ומשפעה יתנו אל חיקכם כי במדה אשר אתם מודדים בה ימד לכם׃

כי הנה הזרע בצמצום גם יקצר בצמצום והזרע בברכות גם יקצר בברכות׃

ואלהים יכל להשפיע עליכם כל חסד עד כי יהיה לכם בכל עת די ספוקכם בכל ותותירו בכל מעשה טוב׃

והנתן זרע לזרע ולחם לאכל יתן וירבה את זרעכם ויפריא תנובות צדקתכם׃

כי שרות העבודה הזאת לא לבד ימלא את מחסרי הקדושים כי גם יודו רבים לאלהים בשרותכם הנאמן הזה׃

והם בהתחננם בעדכם נכספים לכם בעבור חסד האלהים אשר גבר עליכם׃

לא שאבקש את המתן אך אבקש הפרי אשר ירבה בחשבנכם׃

עכר ביתו בוצע בצע ושונא מתנת יחיה׃

כי רצץ עזב דלים בית גזל ולא יבנהו׃

אין שריד לאכלו על כן לא יחיל טובו׃

יהי למלא בטנו ישלח בו חרון אפו וימטר עלימו בלחומו׃

יש אחד ואין שני גם בן ואח אין לו ואין קץ לכל עמלו גם עיניו לא תשבע עשר ולמי אני עמל ומחסר את נפשי מטובה גם זה הבל וענין רע הוא׃

כי אין חסד בדין לאשר לא עשה חסד והחסד יתגאה על הדין׃

הוי העשירים בכו והילילו על הצרות אשר תבאנה עליכם׃

זהבכם וכספכם כסתם חלאה והיתה חלאתם בכם לעדות ואכלה כמו אש את בשרכם אצרתם לכם אוצרות בקץ הימים׃

התעדנתם בארץ והתענגתם והשמנתם את לבכם כמו ליום טבחה׃