בבא כשאוה פחדכם ואידכם כסופה יאתה בבא עליכם צרה וצוקה׃

עשיר ישכב ולא יאסף עיניו פקח ואיננו׃

ישאהו קדים וילך וישערהו ממקמו׃

כי מרעים יכרתון וקוי יהוה המה יירשו ארץ׃

ועוד מעט ואין רשע והתבוננת על מקומו ואיננו׃

בטרם יבינו סירתיכם אטד כמו חי כמו חרון ישערנו׃

אך בחלקות תשית למו הפלתם למשואות׃

כחלום מהקיץ אדני בעיר צלמם תבזה׃

אף בל נטעו אף בל זרעו אף בל שרש בארץ גזעם וגם נשף בהם ויבשו וסערה כקש תשאם׃

צדיק לעולם בל ימוט ורשעים לא ישכנו ארץ׃

כספו לא נתן בנשך ושחד על נקי לא לקח עשה אלה לא ימוט לעולם׃

לכן כל השמע את דברי אלה ועשה אתם אדמהו לאיש חכם אשר בנה את ביתו על הסלע׃

וירד הגשם וישטפו הנהרות וישבו הרוחות ויגעו בבית ההוא ולא נפל כי יסד על הסלע׃

ואף אני אמר אליך כי אתה פטרוס ועל הסלע הזה אבנה את קהלתי ושערי שאול לא יגברו עליה׃

בנוים על יסוד השליחים והנביאים וישוע המשיח הוא אבן הפנה׃

ויאצרו להם אוצר ליסוד טוב לעתיד שישיגו את חיי העולם׃

אך איתן הוא יסוד האלהים וזה חותמו ידע יהוה את אשר לו ועוד יסור מעול כל הקורא את שם המשיח׃