ישמע חכם ויוסף לקח ונבון תחבלות יקנה׃

תן לחכם ויחכם עוד הודע לצדיק ויוסף לקח׃

לתאוה יבקש נפרד בכל תושיה יתגלע׃

לב נבון יקנה דעת ואזן חכמים תבקש דעת׃

קנה לב אהב נפשו שמר תבונה למצא טוב׃

האיש הטוב מאוצר לבו הטוב מוציא את הטוב והאיש הרע מאוצר הרע מוציא רע׃

עוד דומה מלכות השמים לאוצר טמון בשדה אשר מצאו איש ויטמנהו ובשמחתו ילך ומכר את כל אשר לו וקנה את השדה ההוא׃

ויאמר אליהם על כן כל סופר המלמד למלכות השמים דומה לאיש בעל הבית המוציא מאוצרו חדשות וישנות׃

כי האלהים אשר אמר ויפע אור מחשך הוא הופיע בלבנו להפיץ אור דעת כבוד האלהים אשר בפני המשיח׃

אבל יש לנו האוצר הזה בכלי חרש למען אשר תהיה הגבורה היתרה לאלהים ולא מאתנו׃

חכם לב יקח מצות ואויל שפתים ילבט׃

קרץ עין יתן עצבת ואויל שפתים ילבט׃

נצר פיו שמר נפשו פשק שפתיו מחתה לו׃

פי כסיל מחתה לו ושפתיו מוקש נפשו׃

שמר פיו ולשונו שמר מצרות נפשו׃