תן לחכם ויחכם עוד הודע לצדיק ויוסף לקח׃

אהב מוסר אהב דעת ושנא תוכחת בער׃

לכן אנשי לבב שמעו לי חללה לאל מרשע ושדי מעול׃

ואם בינה שמעה זאת האזינה לקול מלי׃

אנשי לבב יאמרו לי וגבר חכם שמע לי׃

מאיבי תחכמני מצותך כי לעולם היא לי׃

מזקנים אתבונן כי פקודיך נצרתי׃

כמו אל נבונים מדבר אנכי ושפטו אתם את אשר אמר׃

ויאמר דוד לאביגל ברוך יהוה אלהי ישראל אשר שלחך היום הזה לקראתי׃

וברוך טעמך וברוכה את אשר כלתני היום הזה מבוא בדמים והשע ידי לי׃

ויהי בדברו אליו ויאמר לו הליועץ למלך נתנוך חדל לך למה יכוך ויחדל הנביא ויאמר ידעתי כי יעץ אלהים להשחיתך כי עשית זאת ולא שמעת לעצתי׃