Proverbes 1:22
עד מתי פתים תאהבו פתי ולצים לצון חמדו להם וכסילים ישנאו דעת׃
Proverbes 1:23
תשובו לתוכחתי הנה אביעה לכם רוחי אודיעה דברי אתכם׃
Proverbes 8:5
הבינו פתאים ערמה וכסילים הבינו לב׃
Proverbes 9:4-6
4
מי פתי יסר הנה חסר לב אמרה לו׃
5
לכו לחמו בלחמי ושתו ביין מסכתי׃
6
עזבו פתאים וחיו ואשרו בדרך בינה׃
Psaumes 19:7
תורת יהוה תמימה משיבת נפש עדות יהוה נאמנה מחכימת פתי׃
Psaumes 119:130
פתח דבריך יאיר מבין פתיים׃
Esaïe 35:8
והיה שם מסלול ודרך ודרך הקדש יקרא לה לא יעברנו טמא והוא למו הלך דרך ואוילים לא יתעו׃
Proverbes 7:7-24
7
וארא בפתאים אבינה בבנים נער חסר לב׃
8
עבר בשוק אצל פנה ודרך ביתה יצעד׃
9
בנשף בערב יום באישון לילה ואפלה׃
10
והנה אשה לקראתו שית זונה ונצרת לב׃
11
המיה היא וסררת בביתה לא ישכנו רגליה׃
12
פעם בחוץ פעם ברחבות ואצל כל פנה תארב׃
13
והחזיקה בו ונשקה לו העזה פניה ותאמר לו׃
14
זבחי שלמים עלי היום שלמתי נדרי׃
15
על כן יצאתי לקראתך לשחר פניך ואמצאך׃
16
מרבדים רבדתי ערשי חטבות אטון מצרים׃
17
נפתי משכבי מר אהלים וקנמון׃
18
לכה נרוה דדים עד הבקר נתעלסה באהבים׃
19
כי אין האיש בביתו הלך בדרך מרחוק׃
20
צרור הכסף לקח בידו ליום הכסא יבא ביתו׃
21
הטתו ברב לקחה בחלק שפתיה תדיחנו׃
22
הולך אחריה פתאם כשור אל טבח יבוא וכעכס אל מוסר אויל׃
23
עד יפלח חץ כבדו כמהר צפור אל פח ולא ידע כי בנפשו הוא׃
24
ועתה בנים שמעו לי והקשיבו לאמרי פי׃
Proverbes 8:17
אני אהביה אהב ומשחרי ימצאנני׃
Proverbes 8:32
ועתה בנים שמעו לי ואשרי דרכי ישמרו׃
Psaumes 34:11
לכו בנים שמעו לי יראת יהוה אלמדכם׃
Psaumes 119:9
במה יזכה נער את ארחו לשמר כדברך׃
Ecclesiaste 11:9
שמח בחור בילדותיך ויטיבך לבך בימי בחורותך והלך בדרכי לבך ובמראי עיניך ודע כי על כל אלה יביאך האלהים במשפט׃
Ecclesiaste 11:10
והסר כעס מלבך והעבר רעה מבשרך כי הילדות והשחרות הבל׃
Ecclesiaste 12:1
וזכר את בוראיך בימי בחורתיך עד אשר לא יבאו ימי הרעה והגיעו שנים אשר תאמר אין לי בהם חפץ׃
2 Timothée 2:22
ברח לך מתאות הנעורים ורדף צדק ואמונה ואהבה ושלום עם כל הקראים אל יהוה בלב טהור׃
Tite 2:6
ככה תזהיר גם את הבחורים שיהיו צנועים׃