משלי שלמה בן חכם ישמח אב ובן כסיל תוגת אמו׃

גם אלה משלי שלמה אשר העתיקו אנשי חזקיה מלך יהודה׃

ויחכם מכל האדם מאיתן האזרחי והימן וכלכל ודרדע בני מחול ויהי שמו בכל הגוים סביב׃

וידבר שלשת אלפים משל ויהי שירו חמשה ואלף׃

ויתר שהיה קהלת חכם עוד למד דעת את העם ואזן וחקר תקן משלים הרבה׃

את אלה דברתי אליכם במשלים אכן שעה באה ולא אדבר עוד אליכם במשלים כי אם ברור אמלל לכם על אבי׃

וינחם דוד את בת שבע אשתו ויבא אליה וישכב עמה ותלד בן ויקרא את שמו שלמה ויהוה אהבו׃

וישלח ביד נתן הנביא ויקרא את שמו ידידיה בעבור יהוה׃

ושלמה ישב על כסא דוד אביו ותכן מלכתו מאד׃

הנה בן נולד לך הוא יהיה איש מנוחה והנחותי לו מכל אויביו מסביב כי שלמה יהיה שמו ושלום ושקט אתן על ישראל בימיו׃

ומכל בני כי רבים בנים נתן לי יהוה ויבחר בשלמה בני לשבת על כסא מלכות יהוה על ישראל׃

וימת בשיבה טובה שבע ימים עשר וכבוד וימלך שלמה בנו תחתיו׃