Exode 19:16
ויהי ביום השלישי בהית הבקר ויהי קלת וברקים וענן כבד על ההר וקל שפר חזק מאד ויחרד כל העם אשר במחנה׃
Exode 20:18
וכל העם ראים את הקולת ואת הלפידם ואת קול השפר ואת ההר עשן וירא העם וינעו ויעמדו מרחק׃
1 Samuel 12:17
הלוא קציר חטים היום אקרא אל יהוה ויתן קלות ומטר ודעו וראו כי רעתכם רבה אשר עשיתם בעיני יהוה לשאול לכם מלך׃
1 Samuel 12:18
ויקרא שמואל אל יהוה ויתן יהוה קלת ומטר ביום ההוא ויירא כל העם מאד את יהוה ואת שמואל׃
Job 37:1-5
1
אף לזאת יחרד לבי ויתר ממקומו׃
2
שמעו שמוע ברגז קלו והגה מפיו יצא׃
3
תחת כל השמים ישרהו ואורו על כנפות הארץ׃
4
אחריו ישאג קול ירעם בקול גאונו ולא יעקבם כי ישמע קולו׃
5
ירעם אל בקולו נפלאות עשה גדלות ולא נדע׃
Psaumes 29:3
קול יהוה על המים אל הכבוד הרעים יהוה על מים רבים׃
Psaumes 77:18
קול רעמך בגלגל האירו ברקים תבל רגזה ותרעש הארץ׃
Apocalypse 16:18
ויהיו קלות ורעמים וברקים ויהי רעש גדול אשר לא היה כמהו למן היות אדם על הארץ רעש כזה גדול עד מאד׃
Apocalypse 16:21
וברד כבד כככר ירד מן השמים על בני האדם ויגדפו בני האדם את האלהים על אדות מכת הברד כי כבדה מכתו מאד׃
Josué 10:11
ויהי בנסם מפני ישראל הם במורד בית חורן ויהוה השליך עליהם אבנים גדלות מן השמים עד עזקה וימתו רבים אשר מתו באבני הברד מאשר הרגו בני ישראל בחרב׃
Job 38:22
הבאת אל אצרות שלג ואצרות ברד תראה׃
Job 38:23
אשר חשכתי לעת צר ליום קרב ומלחמה׃
Psaumes 18:13
וירעם בשמים יהוה ועליון יתן קלו ברד וגחלי אש׃
Psaumes 78:47
יהרג בברד גפנם ושקמותם בחנמל׃
Psaumes 78:48
ויסגר לברד בעירם ומקניהם לרשפים׃
Psaumes 105:32
נתן גשמיהם ברד אש להבות בארצם׃
Psaumes 105:33
ויך גפנם ותאנתם וישבר עץ גבולם׃
Psaumes 148:8
אש וברד שלג וקיטור רוח סערה עשה דברו׃
Esaïe 30:30
והשמיע יהוה את הוד קולו ונחת זרועו יראה בזעף אף ולהב אש אוכלה נפץ וזרם ואבן ברד׃
Ezechiel 38:22
ונשפטתי אתו בדבר ובדם וגשם שוטף ואבני אלגביש אש וגפרית אמטיר עליו ועל אגפיו ועל עמים רבים אשר אתו׃
Apocalypse 8:7
והמלאך הראשון תקע בשופר ויהי ברד ואש בלולים בדם ותשלך ארצה ותשרף שלישית העץ וכל ירק עשב נשרף׃