ואמר אליך שלח את בני ויעבדני ותמאן לשלחו הנה אנכי הרג את בנך בכרך׃

ואם מאן אתה לשלח הנה אנכי נגף את כל גבולך בצפרדעים׃

כי אם מאן אתה לשלח את עמי הנני מביא מחר ארבה בגבלך׃

ואם לא תשמעו לי ולא תעשו את כל המצות האלה׃

אף אני אעשה זאת לכם והפקדתי עליכם בהלה את השחפת ואת הקדחת מכלות עינים ומדיבת נפש וזרעתם לריק זרעכם ואכלהו איביכם׃

אלהים שופט צדיק ואל זעם בכל יום׃

אם לא ישוב חרבו ילטוש קשתו דרך ויכוננה׃

אך אלהים ימחץ ראש איביו קדקד שער מתהלך באשמיו׃

ואם תמאנו ומריתם חרב תאכלו כי פי יהוה דבר׃

ועל בני המרי ואשר לא ישמעו לאמת כי אם לעולה שמעו חרון אף וחמה׃

ואתן לה זמן לשוב והיא מאנה לשוב מתזנותיה׃

הנני מפיל אתה על מטה ואת המנאפים אתה בצרה גדולה אם לא ישובו ממעשיהם׃

ויצרבו בני אדם בחם גדול ויגדפו את שם אלהים אשר לו הממשלה על המכות האלה ולא שבו לתת לו הכבוד׃